"Qarabağ" braziliyalı qapıçı transfer etdi

Sayta qoyulub: 10:15 06.07.2018 (313 dəfə oxunub)

 

"Qarabağ" braziliyalı qapıçı transfer etdi

Yeni mövsümün hazırlıqlarını davam etdirən “Qarabağ” növbəti trasnferini həyata keçirib.

Klubun rəsmi “Feysbuk” səhifəsinin yaydığı xəbərə görə, Ağdam təmsilçisi braziliyalı qapıçı Vaqner da Silvanı heyətinə qatıb. 32 yaşlı qolkiperlə müqavilənin müddəti və digər detalları hələlik açıqlanmır.

Qeyd edək ki, son mövsümü  icarə əsasında Portuqaliya “Boavişta”sında keçirən da Silva müqavilə ilə Belçikanın “Muskron” klubuna məxsusdur. Braziliyada “Atletiko Paranaense”, “İtuano”, “Desportivo Brasil” komandalarının şərəfini qorumuş qapıçı 2010-2015-ci illərdə Portuqaliyada “Eştoril”in formasını geyinib.

Xatırladaq ki, “Qarabağ” bundan öncə Filip Ozobiç, Rahil Məmmədov, Abdulla Zubir, Hannes Halldorsson və Simeon Slavçevi transfer edib.

 

XƏBƏR LENTİ