"Xəzər" fəaliyyətini davam etdirəcək

Sayta qoyulub: 09:31 22.05.2018 (214 dəfə oxunub)

"Xəzər" fəaliyyətini davam etdirəcək

 

AFFA-nın Premyer Liqaya buraxmadığı «Xəzər» fəaliyyətini davam etdirəcək. Divizionun son çempionu çıxışını elə aşağı dəstədə sürdürəcək. Bu, klub rəhbərliyinin verdiyi ilk şifahi qərardı. Bu gün bununla bağlı növbəti toplantının keçirilməsi gözlənilir.  Dəyişiklər isə mütləqdi və olacaq. Emin Abbasov icraçı direktor, Gürdüz Abbaszadə isə baş menecr vəzifəsini artıq tərk edib. Hələlik bu vəzifələrə yeni təyinat olmayıb. Həmçinin Elşad Əhmədovdan boşalan baş məşqçi postunu kimin tutacağı dəqiqləşməyib. Hələlik o məlumdu ki, «Xəzər» başbilənləri yenidən Rəşad Sadıqova müraciət edib. Qış fasiləsindən sonra klubla bütün bağlantılarını kəsən millinin keçmiş kapitanının itirilmiş mövqelərini geri qaytardığını söyləyə bilərik. Komandanın formalaşdrılıması məsələsində Sadıqov yenə əsas söz saşibidi.

 

Sportinfo.az

XƏBƏR LENTİ