“Trabzonspor” Ramil Şeydayevi satır

Sayta qoyulub: 10:09 17.03.2018 (182 dəfə oxunub)

“Trabzonspor” Ramil Şeydayevi satır

Azərbaycan millisinin hücumçusu Ramil Şeydayevin Türkiyə macərası qısa çəkə bilər. Bu barədə məlumatı qonşu ölkə mətbuatı yayıb. Bildirilir ki, hazırda icarə əsasında “Qarabağ”ın formasını geyinən gənc forvardın cari mövsümdəki performansı müqavilə ilə məxsus olduğu “bordo-mavililər”in ürəyincə deyil. Digər tərəfdən “Qarabağ” da onu birdəfəlik transfer etmək niyyətindədi.

Bu məsələdə əsas söz sahibi olan “Trabzonspor” Şeydayevlə bağlı qərarını mövsümün sonunda verəcək. Transfer qadağası üzündən klub yayda yeni oyunçu almaq hüququndan məhrum olacağından, icarə əsasında digər komandalarda oynayan futbolçuları yay toplanışında sınamaq fikrindədi. Onlar arasında Şeydayev də olacaq. Lakin həmkarlarımız indiki vəziyyətdə Qara dənizlilərin Ramili satmağı planlaşdırdığını vurğulayıb. Onun Azərbaycan klubundakı çıxışını diqqətlə izləyən Superliqa təmsilçisi 22 yaşlı hücumçunu satmağa müsbət baxır.

Qeyd edək ki, Ramil Şeydayev “Trabzonspor”a 2016-cı ildə “Zenit”dən keçib.

XƏBƏR LENTİ