Samir Əliyev gürcüstanlı futbolçunu komandada saxladı

Sayta qoyulub: 10:17 20.01.2018 (164 dəfə oxunub)

Samir Əliyev gürcüstanlı futbolçunu komandada saxladı
 

Ölkə daxilindəki təlim-məşq toplanışını başa vuran "Səbail" klubunda baxışda olan futbolçularla bağlı qərar verilib. Komandanın baş məşqçisi Samir Əliyev keçirilən bütün yoxlama görüşlərindən sonra qərarını açıqlayıb.  

Belə ki, mütəxəssis baxışda olan gürcüstanlı futbolçu Nikolas Apakidzenin komandada saxlamasında qərar verib. O, ötən gün baş tutan klubdaxili iclasda Apakidzeni komandada saxlamaq niyyətində olduğunu bildirib. 

Samir Əliyev "Sabah" və "Xəzər"lə qarşılaşmalarda Apakidzenin oyununu bəyənməyib və onu göndərməyə qərar verib. Lakin "Sumqayıt"la görüşdə özünü yaxşı tərəfdən göstərən 25 yaşlı futbolçu məşqçinin qərarını dəyişdirə bilib. Onunla mövsümün sonunadək müqavilə imzalanacaq. 

Qeyd edək ki, 25 yaşlı futbolçu  Gürcüstanın U-17, U-19 və U-21 yığmalarında da oynasa da, əsas milliyə düşə bilməyib. Apakidze Gürcüstanın "Baiya”, "Rustavi” , "Zuqdidi”,  "Şukura”, Litvanın "Trakay” klublarında oynayıb.

XƏBƏR LENTİ