P.Qasli: “Honda problemləri həll etməlidir”

Sayta qoyulub: 20:39 14.01.2018 (107 dəfə oxunub)

Toro Rosso komandasının sürücüsü Pyer Qasli bildirib ki, Honda etibarlılıq problemlərini həll etməlidir.

F-1.az xatırladır ki, Toro Rosso komandası bu ildən etibarən Honda mühərriklərindən istifadə edəcək. Qeyd edək ki, yaponiyalı şirkətin istehsal etdiyi mühərriklər son illərin ən etibarsız mühərrikləridir.

Pyer Qasli: “Fevralda Toro Rosso-nun bazasına gedəcəm. Daha əvvəl oturacağın sazlanması üçün getmişdim, amma mövsüm yaxınlaşdıqca işlərimiz artır. Test dövrü bizim üçün çətin keçəcək. Yeni mühərriklə yarışacağıq və keçmişdəki problemlərdən xəbərdarıq. Amma inanırıq ki, Honda bu problemləri həll edəcək. Avstraliya yarışından əvvəl 8 günlük iki test sessiyası olacaq və bu çox azdır. Lakin hamı motivasiya ilə işləyir. Əminik ki, ilk yarışa qədər hazır olacağıq. Ümid edirəm ki, gözəl mövsüm olar. İlk tam mövsümümdə yaxşı performans göstərmək istəyirəm”.

XƏBƏR LENTİ