"Keşlə"də kamerunlu oyunçu

Sayta qoyulub: 12:29 10.01.2018 (131 dəfə oxunub)

Çempionatın ikinci yarısına hazırlığı davam etdirən “Keşlə”nin düşərgəsinə daha bir futbolçu qoşulub. Baxışa dəvət olunan kamerunlu yarımmüdafiəçi Herve Tçami artıq ölkəmizdədi. O, paytaxt klubunun dünənki axşam məşqində iştirak edib. Tçaminin "Keşlə”də qalıb-qalmayacağı baxış müddətində özünü necə göstərməsindən asılıdı. Baş məşqçi Yuri Maksimov düşərgədə olan Məhəmməd Qurbanov və İdris Musluyev kimi, Tçami haqda yekun qərarı da bir neçə gündən sonra açıqlayacaq. 29 yaşlı cinah yarımmüdafiəçisi ukraynalı mütəxəssisin etimadını qazana bilsə, onunla müqavilə imzalanacaq. 

Karyerası ərzində “Hamburq II”, “Zaqlebie”, “Karvina”, “Szolnoki”, “Honved”, “Poqon”, “Varnamo”, “Girəsunspor” və “Feyrense” klublarında oynamış Tçaminin son iş yeri bu il ayrıldığı, Səudiyyə Ərəbistanının “Hajer” klubu olub.  

Tçami 2013-cü ildə Kamerun yığmasında debüt edib. O, millinin heyətində 1 oyun keçirib.

XƏBƏR LENTİ