Azərbaycan çempionatı bu gün başlana bilər

Sayta qoyulub: 10:10 26.12.2017 (184 dəfə oxunub)

Voleybol üzrə kişi və qadınlar arasında Azərbaycan çempionatı bu gün start götürə bilər. Federasiyadan verilən məlumata görə, məsələ texniki problemlərin həllindən sonra dəqiqləşəcək.


Hazırda çempionatın hansı telekanalda - "İdman Azərbaycan" və ya "CBC Sport"da yayımı üzərində iş gedir. Bununla bağlı federasiya rəhbərliyi səviyyəsində müzakirələrdən sonra qərar qəbul olunacaq. Oyunların isə Dərnəgüldəki "Azərreyl" Voleybol Mərkəzində təşkili nəzərdə tutulub.


Kişilərin yarışına 6 komanda - "Lokomotiv", "Neftçi", "Naxçıvan", "Ekspress", MOİK və U-18 qatılacaq. Qadınların mübarizəsi isə cəmi 4 klub - "Azərreyl", "Lokomotiv", "Abşeron" və AVF arasında gedəcək. 

 

Azərbaycan çempionatı bu gün başlana bilər

 

 

Sportnet.az

XƏBƏR LENTİ