"Kəpəz"-"İnter" oyunu Bakıda keçiriləcək

Sayta qoyulub: 13:38 23.10.2017 (162 dəfə oxunub)

Topaz Premyer Liqanın X turunun “Kəpəz” – “İnter” oyununun məkanı dəyişdirilib. Bu haqda “İnter”in mətbuat xidmətinin rəhbəri Səbuhi Məmmədov məlumat verib. Onun sözlərinə görə, sözgedən qarşılaşma əvvəlcədən nəzərdə tutulduğu kimi Gəncədə yox, Bakıda olacaq. Bununla əlaqədar “İnter” rəhbərliyi PFL-ə müraciət edib: “Klub yeni - “Keşlə” adı altında ilk oyununu evdə keçirmək istəyirdi. Yeni adımıza görə açılış və mini-konsert də nəzərdə tutulub. Konsertdə tanınmış müğənnilərdən biri çıxış edəcək. Bu səbəbdən də Peşəkar Futbol Liqasına müraciət etdik. Sağ olsunlar, sözümüzü yerə salmadılar”.

Qeyd edək ki, sözügedən qarşılaşma oktyabrın 28-də keçiriləcək.

XƏBƏR LENTİ