Kamran Şahsuvarlı: “İnana bilmirəm ki, mən bunu bacardım”

Sayta qoyulub: 09:28 16.08.2016 (622 dəfə oxunub)

Kamran Şahsuvarlı: “İnana bilmirəm ki, mən bunu bacardım”

 

Rio-2016 Yay Olimpiya Oyunlarında yarımfinala yüksələrək ən az bürünc medalı təmin edən boks yığmamızın üzvü Kamran Şahsuvarlı (75 kq) görüşdən sonra fikirlərini bildirib. O, əsas hədəfinin qızıl medal olduğunu bildirib.

 

- Ardıcıl iki dünya çempionunu mübarizədən kənarlaşdırdınız. Belə bir şeyi əvvəldən sizə desəydilər inanardınızmı?

- İnanın ki, hələ indi də təəccüb içindəyəm. Sanki yuxudayam. İnana bilmirəm ki, mən bunu eləyə bildim.

 

- Döyüş necə keçdi?

- Rinqə çıxmazdan öncə çox həyəcanlı idim. Başımda o qədər fikirlər var idi ki, nə edəcəyimi, necə vuruşacağımı bilmirdim. Ancaq ilk raunddan sonra rəqibin üslubunu tutdum. Baxdım ki, üstümə gəlir. Üç zərbə vurmalı idim, onu da bacardım.

 

- İndi hamı sizi ən az bürünc medalçı kimi təbrik edir. Bəs siz Rioya hansı əyarlı medal üçün gəlmisiz?

- Bura kimi gəldiyim üçün şükür edirəm. Ancaq hər idmançının əsas arzusu Olimpiya çempionu olmaqdı. Ona görə də sona qədər çalışacam.

 

- Belə fikir var idi ki, bu döyüşdə qələbə qazanan idmançı çempion olacaq. Bu barədə nə deyə bilərsiz?

- Vallah nə deyim, bilmirəm. Hər halda, qıraqdan yaxşı görünür ki, belə deyirlər. Mən də özümə inanıram. Bir də burdan klubuma – “Qəbələ” İdman Klubuna və 3 müəllimimə təşəkkür etmək istəyirəm.

 

- Sonuncu rəqibinizlə bir dəfə də döyüşmüsünüz deyəsən...

- Bəli, mən Qazaxıstanda yaşayanda yeniyetmələr arasında yarışda Janıbeklə döyüşmüşdüm, həm də məğlub olmuşdum.

 

- Demək olarmı ki, ondan əvəz çıxmaq istəyirdiz?

- Elə də demək olar. Həm əvəz çıxmaq, həm də valideynlərimi və mənə inananları, dəstək verənləri şad etmək üçün döyüşdüm.

 

  

SON AYDA ƏN ÇOX OXUNANLAR:

    XƏBƏR LENTİ