Karateçilərimiz medallara sahib olublar

Sayta qoyulub: 20:09 03.05.2014 (763 dəfə oxunub)


Niyazi Əliyev (-67 kq), Şahin Atamov (-84 kq) və Nuranə Əliyeva (-50 kq) Finlandiyanın Tampere şəhərində 49-cu Avropa çempionatında fərdi kumite yarışlarını medallarla baş vurublar. Final görüşlərində hakim haqsızlığı nəticəsində Şahin Atamov Türkiyəli Erkan Enesə 0:2 hesabı ilə məğlub olub.

Niyazi Əlievin britaniyalı Tomas Cordanla döyüşü 1:1 hesabı ilə bitsə də, hakimlərin rəyi ilə rəqib çempion olub.

Bürünc medal uğrunda mübarizə aparan iki idmançımızdan Nuranə Əliyeva Eirini-Kristina Kavakapulonu 8:2 hesablı inamlı qələbə ilə məğlub edib. Öz çəkisində favoritlərdən sayılan Ayxan Mamayev (-84 kq) isə təəssüf ki, dizindəki zədə səbəbi ilə medallardan kənar qalıb. O, bosniyalı Meris Muhoviçlə 3-cü yer uğrunda görüşün son saniyələrində 2:3 hesabı ilə məğlub olub.

Komanda kumite yarışının finalına çıxmış milli komandamızı 4 may tarixində Türkiyə komandası ilə çətin görüş gözləyir. 

(AMKF)

XƏBƏR LENTİ