Azərbaycan şahmatçıları Avropa çempionatında üç medal qazanıb

Sayta qoyulub: 12:30 09.10.2013 (798 dəfə oxunub)

Oktyabrın 9-da Monteneqronun Budva şəhərində keçirilmiş 8-18 yaşlı yeniyetmələr arasında 23-cü Avropa çempionatı başa çatmışdır. 35-ə yaxın ölkədən 1000-dən artıq zəka sahiblərinin öz qüvvəsini sınadığı yarışda ölkəmizi 28 şahmatçı təmsil etmişdir.

Turnirdə idmançımız Aydın Süleymanlı 8 yaşlı oğlan şahmatçılar arasında, Günay Məmmədzadə isə 14 yaşlı qızlar arasında çempionatın qalibi olmuşlar. Digər zəka sahibimiz Sənan Əliyev (U-8) turnirin üçüncü pilləsində qərarlaşmışdır. Çempionatda komanda üzrə şahmatçılarımız ikinci yeri tutmuşlar. Birinci yerin sahibi isə Rusiya zəka sahibləri olmuşlar.

Çempionat İsveçrə sistemi üzrə doqquz turdan ibarət olaraq keçirilmişdir.

 

XƏBƏR LENTİ